Salmos 146

¹alleluia Aggei et Zacchariae laudate Dominum quoniam bonum psalmus Deo nostro sit iucunda decoraque; laudatio

²aedificans Hierusalem Dominus dispersiones Israhel congregabit

³qui sanat contritos corde et alligat contritiones illorum

⁴qui numerat multitudinem stellarum et omnibus eis nomina vocans

⁵magnus Dominus noster et magna virtus eius et sapientiae eius non est numerus

⁶suscipiens mansuetos Dominus humilians autem peccatores usque ad terram

⁷praecinite Domino in confessione psallite Deo nostro in cithara

⁸qui operit caelum nubibus et parat terrae pluviam qui producit in montibus faenum et herbam servituti hominum

⁹et dat iumentis escam ipsorum et pullis corvorum invocantibus eum

¹⁰non in fortitudine equi voluntatem habebit nec in tibiis viri beneplacitum erit ei