Salmos 142
Vulgata Latina (Latin) ›1psalmus David quando filius eum persequebatur Domine exaudi orationem meam auribus percipe obsecrationem meam in veritate tua exaudi me in tua iustitia
2et non intres in iudicio cum servo tuo quia non iustificabitur in conspectu tuo omnis vivens
3quia persecutus est inimicus animam meam humiliavit in terra vitam meam conlocavit me in obscuris sicut mortuos saeculi
4et anxiatus est super me spiritus meus in me turbatum est cor meum
5memor fui dierum antiquorum meditatus sum in omnibus operibus tuis in factis manuum tuarum meditabar
6expandi manus meas ad te anima mea sicut terra sine aqua tibi diapsalma
7velociter exaudi me Domine defecit spiritus meus non avertas faciem tuam a me et similis ero descendentibus in lacum